ორივე მათგანს აქვს უპირატესობები და გამოწვევები - რომელს აირჩევთ, დამოკიდებულია თქვენი ცხოვრების სტილზე, ფუნქციებზე, ბინის ზომასა და არსებულ საჭიროებებზე.
ცალკე სამზარეულო — ტრადიციული, კომფორტული და პრაქტიკულია.
- უპირატესობები:
· სუნისა და ორთქლის იზოლაცია: საჭმლის სუნი არ ვრცელდება საძინებლებსა დამისაღებში.
· მეტი წესრიგის განცდა: ერთი კარის დაკეტვით „სამუშაო ქაოსი“ უკვე დამალულია.
· პირადი სივრცე: ვისაც სამზარეულოში მარტო, წყნარ გარემოში მუშაობა უყვარს , მათთვის იდეალურია.
· აკუსტიკა: სამზარეულოს წვრილი ტექნიკის ხმა არ ისმის სხვა ოთახებში.
- გამოწვევები:
· სივრცე იზოლირდება დანარჩენი ოთახებისგან, რის გამოც, ბინა მცირე და დაყოფილი ჩანს.
· ოჯახის წევრები „იშლებიან“ — ვინც ამზადებს, მოწყვეტილია სხვა ოჯახის წევრებს.
სტუდიო ტიპის ბინა — თანამედროვე და ვიზუალურად მსუბუქია.
- უპირატესობები:
· უფრო დიდი სივრცის შთაბეჭდილება: ზედმეტი კედლების გარეშე ბინა უფრო ფართო, ნათელი და ჰაეროვანი ჩანს.
· სოციალური კომფორტი: სამზარეულოში ყოფნისას ყველას ხედავთ და არ კარგავთ კომუნიკაციას.
· დიზაინის თავისუფლება: ერთიან სივრცეში სამუშაო ოთახის და სამზარეულოს ზონები შეგიძლიათ თქვენი სტილით გაერთიანდეს.
- გამოწვევები:
· სუნები და ხმები: საჭმლის სუნი მარტივად ვრცელდება მთელ სივრცეში, რასაც ხშირად კარგი გამწოვიც ვერ შველის.
· მუდმივი სისუფთავის საჭიროება: რადგან სამზარეულო ღიაა, პატარა არეულობაც მკვეთრად ჩანს.
დასკვნა
✔ მცირე ბინების შემთხვევაში — სტუდიო უფრო ოპტიმალურია, რადგან სივრცე ვიზუალურად იზრდება.
✔ მრავალსულიან ოჯახში — ცალკე სამზარეულო ხშირად უფრო კომფორტულია, რადგან ყველა ზონა დამოუკიდებლად მუშაობს.
✔ გიყვართ სტუმრების მიღება? სტუდიო იდეალურია, რადგან სამზარეულო და მისაღები ერთი დიდი სოციალური სივრცეა.
✔ არ გიყვართ არეულობა და სუნები? მაშინ ცალკე სამზარეულო აშკარა გამარჯვებულია.
დაფიქრდით თქვენს სურვილებზე, პრიორიტეტებზე და მიიღეთ თქვენთვის იდეალური გადაწყვეტილება. წარმატებებს გისურვებთ.
